THE BEST RUGBY

Euskadiko txapeldun eta Espainiako 5garren!

rugbylari — Thu, 03 May 2007 20:08:17 +0000

Apirilaren 22an, Ordizia Rugbyko kadeteek Bera-beraren aurka jolastu zuten euskadiko rugby finala. Partida, goizean izan zen Donostian. Goierritarrak garaile atera ziren eta euskadiko txapeldun irten ziren.

Partida oso gogorra eta amaierararte berdintsua izan zen. Azkeneko 10 minutuetan Ordiziarrek 2 entsegu sartu zituzten eta partida eurentzat izan zen 3-16 gailenduz. Baina hori bakarrik ez, aste honetan Valladoliden jolastu den estatuko klub txapelketan parte hartzeko txartela ere irabazi zuten. Bostgarren geratu dira Ordiziarrak 8 taldeetatik. 2 partida irabazi eta beste 2 galdu dituzte baina gazteak pozik daude. Han sekulako maila zegoen. Oso talde ezagunek hartu zuten parte eta ahal zuten guztia egin zuten. Txapelketako Kronika interesgarria

Bestalde Seniorrak berriz ere galdu egin dute22-10 Santboianaren aurka. 5 partida jarraian galdu ondoren aste honetan irabazi beharreko partida dute Liceo Francesen aurka. Axioren kronika

Getxok galdu egin zuen Valladoliden aurka eta Bera-Berak Bartzelonari erraz irabazi zion.

Hemen benetako rugby profesionala, ez duela inoiz bat aspertzen! All Blacks jokalaririk honena historia osoan:

Gipuzkoako Kopa donostiarrentzat

rugbylari — Thu, 19 Apr 2007 08:52:56 +0000

Asteburu honetan, anoetako mini estadioan jokatu den euskal derbyan, Spyro Bera-Bera Kitmar Ordiaziari gailendu zaio. Euskal derbya larunbatean arratsaldeko 4-30 ean hasi zen eta partiduko azken emaitza 25-9 izan zen etxekoen alde.

Kitmar Ordizia gogotsu atera zen, baina eskura jokatzeko arazoak izan zituzten eta 3/4 ek ez zuten joko onik erakutsi. Aurrelariaek, berriz, alboko sakeetan ( touchetan ) arazo larriak izan zituzten eta hortik etorri zen lehen entsegua, goierritarren hutsagatik. Bestela, ez ziren horren gaizki ibili baina, jada ordiziarrak esnatzen hasi beharko dute irabaztea asko kostatzen ari baitzaie. Aipatu beharra dago, azkenaldi honetan epaileak ez direla batere laguntzen ari ordiziarrei.

Spyro Bera-Berak joko ona erakutsi zuen eta eraiek merezi izan zuten irabaztea. Ostikoetan oso ondo ibili ziren eta min asko egin zien Ordiziarrei. Gorka Bueno eta Feijo izan ziren nabarmendu zirenak. Hala ere, joko zikina eta itsusia ere erakutsi zuten. Fisioaren laguntza gehiegi eskatzen zuten jokoa asko geldituz eta denbora asko galduz. Borrokak ere bien aldetik asko ikusi ziren.

Beste gai bati helduz, Getxo Arteak ere ez zuen zorterik izan 10-15 galdu baitzuen etxean. Getxotarrak garaipena behar dute arriskuan baitaude.

Sailkapena euskaldunentzat horrela doa beraz.

Kitmar Ordizia 32 punturekin 6.postuan

Bera-Bera 27 punturekin 7.postuan

Getxo Artea 26 punturekin 8.postuan

Informazio gehiago klikatu hemen

Hemen Hernanikoen bideo bat

Biarritz eta Ordizia galtzaile

rugbylari — Sat, 07 Apr 2007 22:31:36 +0000

Asteburu honetan, Biarritzek eta Ordiziak jokatu dituzten partidetan biak ezin izan dute garaipenik lortu. Biek merezi zuten irabaztea, baina azkenean, biak burumakur geratu dira.

Biarritzek ezin izan du Northampton mendean hartu. Partida ona egiten ari ziren eta anoeta gainezka zegoen sekulako giroarekin. Jokoan nagusi ziren, baina ingelesek, sekulako defentsa egin zuten eta lehenengo zatiaren amaierarako 3-0 bakarrik zihoazen ( Yachviliren transformazioa ). Bigarren zatian indartsu atera ziren etxekoak eta beste zigor kolpe batean, 6-0 jarri ziren aurretik. Partida poltsikoan zutela zirudien, baina ingelesak suspertzen hasi ziren eta baloiaren jabe egin ziren. Horrela, ia azken minutuetan, Northamtoneko zentroak (R.Kidd) Yachviliren pase bat interzeptatu eta entsegu bat lortu zuen hagen azpian. Spencerren transformazioarekin 6-7 jarri zen markagailua eta horrelaxe amaitu zen. Beraz, B.O txapelketatik at geratu da eta hurrengo urteari begira jarri beharko da. Northampton Saints berriz, London Waps-en aurka jokatu beharko du hurrengo partida.

Bestalde, Kitmar Ordiziak ezin izan du Cic Valladolid-en aurka garaipenik lortu. Lehengo zatian, bi taldeek sekulako defentsa erakutsi zuten eta amaierara 0-0 iritsi ziren. Bigarren zatian, berriz, nahiz eta etxekoak baloiaren jabe izan, Valladolidekoen esperientzia eta joko onak, Ordizia beherantz joanarazi zuen. Horrela ba, 7-14 azken emaitza. Asteburu honetan, Donostiara joango dira euskal derbya jokatzera.

Bien bitartean, Bera-Berak eta Getxok garaipen oso garrantzitsuak lortu dituzte biak puntuen beharrean baitaude. Donostiarrak, 24-14 gailendu ziren Liceo Francesen aurka. Getxotarrak ,aldiz, Complutenseren aurka 10-32 gailendu dira.

Hemen aurreko urteko txapeldunen bideo bat. Munster.

Biarritzek Northamton hartuko du asteburu honetan!!!

rugbylari — Thu, 29 Mar 2007 21:07:19 +0000

Asteburu honetan, igandea Apirilak 1, Biarritz Olympiquek Norhamton Saints hartuko du Anoeta zelaiean. Partidu hau Heineken-cup (Europako club taldeen arteko txapelketa) izango da eta berriz ere, Miarritzdarrek Anoeta futbol zelaia aukeratu dute partidua jolasteko. Aipatzekoa da, jadanik ia sarrerarik ez dagoela salgai eta Anoetak gainezka egingo du igandean aurreko urteetan bezalaxe.

Aurreko urtean, Biarritz Olympique finalera iritsi zen Munster Irlandarren aurka. Galtzaile irten ziren Galesen jolastu zen partidutik nahiz eta txapelketa oso borobila egin, ez zen nahikoa izan kopa Euskal Herrira ekartzeko. Munter taldea, hiru aldiz iritsia zen finalera, jadanik, eta hirugarrengoan eraman zuten kopa etxera. Ate-joka zebiltzan eta azkenik, garaile irten ziren. Aurten Frantziako ligan ez daude euren onenean, baina oraingoz, txapelketako euren taldean erraz nagusitu dira, jolastu dituzten partiduetan txuri-gorriak.

Northamton, berriz, nahiz eta jokalari onak eduki azken denboraldietan ez du joko politik erakutsi. Aurten indartsu dator eta txapelketa etxera eramateko prest daude. Biarritzi arazo larriak eman diezazkioke talde honek eta serioski hartu beharko dute partidua. Jarraitzaile faltagatik behintzat ezda izango! Ingalaterratik ere jarraitzaile dexente datoz, 7.000tik gora. Beraz, oso partidu interesgarria izango dela garbi dago.

Hemen, B.O ren bideo bat

Euskal Derbia Getxorentzat izan da azkenean

rugbylari — Tue, 27 Mar 2007 09:19:13 +0000

Asteburu honetan, euskal derbia izan da Fadurako zelaian (Getxon). Kitmar Ordiziak eta Getxo Arteak hartu dute parte eta 30-11 irabazi zuten etxekoek.

Ordiziarrak, saiatu ziren baina, ezin izan zuten ezertxo ere egin aurkari gogorra tokatu baitzitzaien. Ordiziarrak, konfiatuta ez baina partidua ez zuten oso zaila ikusten. Horrek, euren jokoan beherakada bat ekarri zuen eta eguraldiak ere jokoa asko moteldu zuen. Goierritarrek ez zuten etsi azken momenturarte eta ia amaierarte partidua nork irabaziko zuen jakitea zaila zen. Baina, bi entsegu sartu zituzten horiek nahiko denbora laburrean eta horrek urdin-gorrien morala jaitsi zuen. Nabarmendu ziren jokalariak: Mikel Mate eta Urdin Ugarte

Getxotarrak, aldiz, gogotsu atera ziren zelaira. Irabazteko gogo ikaragarria zuten eta sailkapenaren azken postuetatik pixka bat urruntzeko ere bai. Hiru laurdenekoek sekulako lana egin zuten, bai erasoan eta baita defentsan ere. Jokaldi onak egin zituzten eta baloia ondo mugitzeak, entseguak ekarri zituen. Gainera, bonus puntu bat ere eurentzako izan zen lau entsegu sartzeagatik. Nabarmendu ziren jokalariak: Jeremias Palumbo eta Aratz.

Bestalde, Spyro Bera-Berak ere garaipen garrantzitsu bat lortu zuen Santboianaren aurka. 26-5 irabazi zuten urdinek baina ezer gutxirako balio izan zien garaipenak, oraindik jaitsiera postuetan baitaude oraindik.

Sailkapena beraz, horrela doa:
UEMC El Salvador 53
C.R.C Madrid Noroeste 45
CIC Rugby Valladolid 37
Kitmar Ordizia Rugby 31
U.E. Santboiana 30
F.C Barcelona 29
Getxo Artea Rugby 20
Liceo Frances R.C 20
Spyro Bera Bera 19
Complutense Cisneros 7

Axioren kronika irakurri nahi baduzu klikatu hemen

KITMAR ORDIZIA VS GETXO ARTEA

rugbylari — Thu, 22 Mar 2007 20:08:20 +0000

Asteburu honetan,hilak 24 arratsaldeko 4:30etan Espainiako ohorezko maila berriro indartsu dator . Euskal derbia izango da Getxon. Bertan, Getxo Artea eta Kitmar Ordiziak hartuko dute parte. Gainera, partidua Etb 1- ean ikusi ahal izango dugu.

Alde batetik, Ordiziarrak, denboraldi polita egiten ari dira aurten eta laugarren postuan daude kokaturik 31 punturekin. Joko azkarrak eta aurrelari sendoek deskribatzen dute Ordiziaren jokoa. Ordiziarren azken fitxaketa Niron Zelanda Berrikoa, bigarren lerroan jokatzeko aukera izango du.

Bestetik, Getxotarrak, aurten ez dabiltza euren onenean. Aurten denboraldi eta joku kaxkarra erakusten ari dira eta hori klasifikazioan ikusten da. Azken aurrenak doaz 9.postuan 15 punturekin. Euren azken fitxaketa Geremias Palumbo argentinarra, aurreko denboraldian Ordizian aritutakoa izan da.

Borroka polita egongo da bi joku zabaltzaileen ( aperturen ) artean: Mariano eta Palumboren artean, biak argentinarrak. Bi taldeek jokalari oso onak dituzte eta eguraldiak laguntzen badu hori zelaian garbi ikusiko da. Ordiziarrek, autobusa jarri dute Getxorako: Prezioa 4 euro bazkide eta 14 urtetik beherakoentzat eta 6 ez bazkideentzat. Apuntatzeko Ekin Kirolak, Iñaki Zapatadenda eta Altamirako IFAn eman daiteke izena.

Beste gai bati helduz, Ordizia Rugby taldeak, CD bat atera du bi abestirekin. Apirilaren 1 erako Trevijano rugby zelaian egongo da salgai. Informazioa CD ari buruz:klikatu hemen
Abestiak entzun nahi badituzu: http://www.myspace.com/ordiziarugby
Informazio gehiago: Ordizia Rugby Elkartea
Hemen Ordizia ohorezko mailara igo zeneko bideoa: Goza Ezazue! AUPA O.R.E!!!

6 NAZIOAK FRANTZIARENTZAT

rugbylari — Thu, 22 Mar 2007 09:41:42 +0000

Azkenean, amaitu da 6 nazioen torneoa. Frantziarentzat izan da aurtengo garaipena eta aurreko urtean ere garaile atera ziren. Denboraldi honetan, borroka handia egon da 3 nazioen artean kopa etxera eramateko.

Ingalaterra, itzalduta ibili da aurtengo denboraldian eta Jonny Wilkinsonen etorrerak asko lagundu dio.

Irlandak, pena handiarekin, baina ezin izan du txapeldun atera. Aurreko urtean ere, bigarren gelditu ziren eta nahiz eta aurten txapelketa oso ona egin, Frantzia hobea izan da.

Frantzia, berriz, jokoan nagusi izan da eta hori nabarmen ikusi da partida guztietan. Oilarrek ez dute arazorik izan txapelketa poltxikoan sartzeko.

Bestetik, beste 3 nazioak ez dute ezer handirik egin.

Nahiz eta Italiak aurten ( lehenengo aldiz ) 2 partida irabazi dituen, ez da nahikoa izan eta 4. postuan geratu da.

Eskozia, berriz, nahiz eta joko ona erakutxi, partidak ez zaizkio ongi atera eta 5.postuan amaitu du. Eskoziarrek, gogoa jarri dute baina William Wallacen oinordekoek ezin izan dute ezertxo ere egin eta gainera, euren etsai ingelesen aurka galdu egin dute.

Azkenik, Gales denboraldi penagarria eginda azken postuan etxera bueltatu da burumakur. Duela 2 urte garaile atera ziren baina azken bi urte hauetan oso gaizki dabil.

Hemen 6 nazioen bideo bat eta argazkiren bat, informazio gehiago nahi baduzu klikatu hemen

THE BEST RUGBY

rugbylari — Wed, 21 Mar 2007 13:15:13 +0000

Hemen dago azkenean errugbyari buruzko blog bat! Bertan, errugbya beste mintzagairik ez da izango eta horren kirol politari buruzko informaziorik ere ez da faltako. Gozatzea espero dut. Hemen doa errugbiari buruzko sarreratxo bat.

Los Cómo del Rugby

nola azalduko nizuke MAITASUNA,sekula amak ez badizu kamiseta josi, nahiz eta zelaian zaudenean sufritu.

nola azalduko nizuke MINA, inoiz ez bazara hilabete bat egon lokarria ezin loturik, plakaje bat jatearen ondorioz.

nola azalduko nizuke GOZAMENA, inoiz ez baduzu lokatzetan dervy bat, ozta-ozta, irabazi.

nola azalduko nizuke NEGARRA, sekula ez baduzu final bat zigor-kolpe dudagarri baten ondorioz galdu.

nola azalduko nizuke ELKARKIDETZA, sekula ez bazaituzte kaleratu, lurrean dagoen kide bat defenditzearren

nola azalduko nizuke POESIA, defentsa gainean izanda, inoiz ez baduzu drop-ik bota

nola azalduko nizuke zer den ZERUA IKUTZEA, sekula ez baduzu plakaje ikaragarri bat egin.

nola azalduko nizuke BELDURRA, sekula ez bazaituzte gaizki kokaturik harrapatu kontragolpe batean.

nola azalduko nizuke HERIOTZA, sekula ez bazara,baloi baten bila, maul batean ankazpietara bota.

nola azalduko nizuke BAKARDADEA, sekula ez bazara flanker bezala geratu, zure itxaropenekin bukatu nai duen atake bat geldiarazteko.

nola azalduko nizuke LOKATZA, sekula ez bazara aurkari baten hanketara bota entsegu bat ekidin naiean.

nola azalduko nizuke BEREKORTASUNA, sekula ez baduzu gehiegizko amago bat egin pase argi bat izanda.

nola azalduko nizuke SAKRIFIZIOA, neguan, egun osoan lanean jardun ondoren, sekula ez bazara entrenatu lokatzetan, euri azpian.

nola azalduko nizuke ARTEA, zeure aperturakin inoiz ez baduzu jokaldi bat inprobisatu.

nola azalduko nizuke INJUSTIZIA, sekula ez bazaitu kaleratu urruti zegoen arbitro batek.

Nola azalduko nizuke BARKAMENA, sekula ezbazara moskoru hospitalera bidali zintuen aurkariarekin.

nola azalduko nizuke ADOREA, sekula ez badiozu ezinezkoa zirudien partidu bati buelta eman.

nola azalduko nizuke LAGUNTASUNA, sekula ez baduzu ezagutu hirugarrengo denbora.

nola azalduko nizuke nire BIZITZA, ene lagun hori, sekula ezbazara RUGBYan aritu.

Artikulu hau Imanol Mendizabal en laguntzari esker izan da.

Eta hemen errugbyari buruzko bideo bat: